“Viiulimäng vanan vaksalin” um Häniläse kolmas õdaguvõrukiilne luulõkogu (2016), minka pallu esitäs autor. Kaasõpilt: Häniläne. Raamatut saa lukõ Eesti Rahvusraamatukogo digitaalarhiivin Digar.

Taan lühkün luun märgotas Pulga Jaan  üte uma poiskõsõpõlvõ juhtumisõ üle ja löüd, et Kristusõl oll  umal aol rassõ, a ega timälgi latsõn kerge es olõ… Lugõ autor Pulga Jaan (2020). Jan Rahmani tett pildi pääl om Pulga Jaan.

Vinne muinasjutt “Kolm kahru” Lev Tolstoi puult kirjapantuna. Võro kiilde pand ümbre Jüvä Sullõv kirästüse Eesti Raamat raamatu “Kolm karu” (1980) perrä. Lugõ Kairi Buht. Kaasõpildi Helüaida jaos tekk Kadri Kalve.

“Edimine uno Matsi jutt” ja “Tõne uno Matsi jutt” omma Madis Kõivu viguridsõ latsijutu. Peri omma naa võrokeelitsest aabitsast “ABC kiräoppus ja lugõmik algkooli latsilõ” (Võro Instituut 1999). Lugõ Valdis Laan.

“Lugu rohiliidsi silmiga kuulmeistrist. Laulõ aastist 2010-2014” um Häniläse tõnõ õdaguvõrukiilne laulõkogu (2014), kon umma jutustava, ballaadi muudu luulõtusõ. Valikut luulõkogo pallust esitäs autor. Kaasõpilt: Häniläne.

“Mõtsa pühäpäiv” om lugu tuust, kuis maa-alutsõ esänd Kikertokk ja nuur Nipinäpp ütel pääväl vana tamme alt vällä ronisõ ja mõtsan hulkma nakkasõ. Nä võlusõ näide meelest sobivihe kotussihe egäsugumaidsi kasvõ ja eksootiliidsi eläjit.

CD “Imäplaat” (Seto Ateljee Galerii 2005) Kauksi Ülle loominguga. Lugõ autor. Tä ütles plaadiümbrisse pääl nii: “Luulõtusõq 1-17 ommaq peri Kauksi Ülle luulõkogodõst “Kesk umma mäke” (1987), “Hanõ vai luigõ” (1989), “Jyriyy (1991), “Käänüpäiv” (2003).

“Nukitsamiis” om võro kiilde ümbre pant Oskar Lutsu kuulsa latsiraamat. Tõlgõ om tett Tiritammi kirästüse 2004. aastaga raamatu perrä. Lugõ raamatu ümbrepandja Valdis Laan. Pilt filmist “Nukitsamees” (1981) avaldadas Eesti Filmi Instituudi loaga.

Väikeisile latsilõ mõtõld raamat “Vävvä” kõnõlõs luu poisist, kiä es julgu üüsse pissile minnä, selle et tä peläs Vävvät. Kullõja saa teedä, kuis poiskõnõ tuust hirmust vallalõ sai ja kohe Vävvä pagõsi. Lugõ autor Jan Rahman.