“Ubinit uutman” om Eve Hele Sitsi kirotet eestikeelitse Mooni-sarja edimäne raamat võro keelen (Võro Instituut 2014). Raamat kõnõlõs tuust, kuis katõ latsõga pere koli liinast maalõ ja kuun võetas ette hulga harilikkõ maatöid.

“Kunna muso” om Andrus Kivirähki raamat väikeisile latsilõ. Ku kunna musotõdas, juhtus hoobis midägi muud ku muinasjutõn kõnõldas! Lugõ Mariko Faster (2020). Ümbre pandsõ Helle Ehasalu. Raamatu kunstnik om Anne Pikkov ja vällä andsõ Varrak (2013).    

“Säng” (Eesti Kostabi Selts 1997) om Kauksi Ülle edimäne novellikogo. Elolidsõ luu jäl esisaisvas saanu Eesti alostusõaigõst. Lugõ Helena Kesonen (2020). Toivo Kaskpeidi tett pildi pääl om Kauksi Ülle “Sängü” edimädsel vällänäütämisel Võromaal Kiidil.

“Taivahe heidet tsirk” (Verb 2012) om raamat Jaan Kaplinski lõunaeestikeelitside luulõtuisiga. Raamatu tõsõn osan omma hiina keelest ümbre pantu vana Hiina luulõtusõ. Lugõ Tarmo Tagamets. Kaasõpilt: Andres Rõhu.

“Sipsik” om Eno Raua juttõ ja Edgar Valteri piltega raamat, miä om tutva joba mitmele põlvkunnalõ Eesti latsilõ alatõn 1962. aastagast. Poiskõnõ Mart tege umalõ sõsaralõ Anulõ sünnüpääväs rõivast pupi, kinkast saa tütrigu kõgõ parõmb sõbõr.

“Vana katskinõ kass” om süämlik ja helge lugu tuust, miä saa kassõst ja inemiisist sõs, ku nä vanas saava ja katski läävä. Raamatu autor om Triinu Laan ja kunstnik Anne Pikkov, vällä andsõ kirästüs Päike ja Pilv (2016).

“A tull’ tuud ka ette… Lukõ ja laulõ Vanal-Võromaalt” om CD-plaadi matõrjal Tsibipudina’-nimelidselt pundilt. Esitedäs inne 1900. aastat sündünü võrokõisi mälestüisi näide elost-olost ja rahvalaulõ Võromaa esi nukõst.

“Jussikõsõ säidse sõpra” om Silvi Väljali jutu ja piltega raamat, miä om Eesti latsilõ tutva jo 1966. aastagast, ku raamat edimäst kõrda ilmu. Jussikõsõlõ miildüs väega pühäpäiv ja tedä otsõn saa poiskõnõ kokko kõigi tõisi nädälipäiviga.

“Kibõna ütest rändämisest” um Häniläse neläs õdaguvõrukiilne raamat (2018), minka juttõ ja luulõtuisi esitäs autor. Kaasõpilt: Häniläne. Raamatut saa lukõ Eesti Rahvusraamatukogo digitaalarhiivin Digar.

“Letipäälne elu. Nivõrd ku meelen om” om topõlt-CD Pulga Jaani juttõga (2013). Ekä Pulga Jaani juttu om tan kats kõrda. Edimält lugõ Pulk Esi ja noilõ, kiä Pulga hellü ei kannata, lugõva timä valit inemise: Pulga Joel, Riitsaarõ Evar, Paeglise Janek,